ကျနော့ညီလေး(မောင်မျိုး)

Posted on augusti 17, 2012 by ashinsumana

ယခုလို ၀ါဆို ၀ါခေါင်လ ရောက်တိုင်းကျနော်တို့အညာဒေသရဲ့ ကျနော်တို့ကျေးရွာက ကျနော်တို့ မိသားစုထဲက ကျနော့ညီလေး(မောင်မျိုး)နဲ့ အတိတ်ကအကြောင်းရာတွေကို သတိရနေမိပါသည် သတိရတိုင်းလည်း ကျနော့ရင်မှာ နာကျင်စွာခံစားနေရပါသည် လူတဦး တယောက်သေဆုံးရတာ ပစ္စည်းဥစ္စာပျက်စီးဆုံးရှုံးသွားရတာတို့ဟာ တရားသဘောနဲ့ဆန်းစစ်ကြည့်လိုက်တော့ အဆန်းပြား တော့ မဟုတ်ပါဘူးပေါ့..ပျက်ချိန်တန်က ပျက်ရ သေချိန်တန်က သေကြရမည်ဆိုသည် သင်္ခါရသဘေားတရာကိုလည်း ကျနော်နားလည်ပါသည် သို့သော်လည်း ကျနော့်ညီလေး မောင်မျိုး အသေစောရသည်ကတော့ မသေသင့်သေးပါဘဲနှင့်သေဆုံးရသည်ဟုထင်မြင်မိပါသည်…
(ကျေးလက်ပြည်သူများ၏ဘ၀)
ဝါထပ်သည့်နှစ်များဆိုလျှင် ကျနော်တို့ အညာဒေသတွေမှာ မိုးခေါင်တက်ပါသည် ကျနော့ညီလေးသေဆုံးသော
နှစ်ကလည်းမိုးခေါင်သောနှစ်ပေါ့ မိုးခေါင်တော့ တောင်သူလယ်ယာသမားတွေ အသီးနှံမရကြပါ သီးနှံမရသည့်ပြင် အရင်းနှီးပင် ဆုံးရှုံးကြရသည် တောင်သူလယ်ယာသမားတွေ အသီးနှံမရတော့ ကျနော်တို့လို ကူလီလက်လုပ်လက်စားသမားတွေမှာလည်း အလုပ်ကိုင်မဲ့ပြီပေါ့ မိုးကမရွာ လေတွေသာဒလဟောတိုက်နေတဲ့ ခုလိုရာသီမှာ ကျနော်တို့ကျေးရွာမြောက်ဘက်မှာ တည်ရှိနေတဲ့ ယမားချောင်းကြီးကလည်း ဘယ်ရေမှစီးဆင်းမပေးနိုင်တော့ ကျနော်တို့ကျေးရွာရဲ့ ရွှေကျင်အလုပ်ဆိုတာကလည်း သိပ်မဖြစ်ကြဘူးပေါ့ ဒီတော့လည်း ရှိတာလေးတွေကို ထုခွဲရောင်းချပြီး ရှိသည့်ငွေကလေးနှင့်ဘဲ ချိုးခြံ ခြွေတာစားသောက်နေကြရတာပါ စားဝတ်နေရေးကြမ်းတမ်းပြီး အလုပ်အကိုင်မရှိတဲ့အချိန်မှာမှ ကျနော့ညီလေး (မောင်မျိုး)ရောဂါ ရ ရရှာတယ် ကျနော့ညီလေးရဲ့အသက်ဟာ (၁၃)နှစ်ပဲရှိသေးပါသေးတယ် ဒီအရွယ်ဟာ မြို့နေလူတန်းစားကလေးများမှာတော့ ကျူရှင်သွား ကျောင်းတက်တာက လွဲရင် မိဘတွေရဲ့ အရိပ်အောက်မှာ ပျော်ရွင်နေကြရမှာပါ ကျနော်တို့အညာကျေးလတ်ရဲ့ ကလေးသူငယ်တွေရဲ့ ဘ၀မှာတော့ ဒီလိုမဟုတ်ပါ မိဘများကိုယ်တိုင်ကလည်းသေစာ ရှင်စာဖတ်တက်ရေးတက်ရုံဆိုတော့ ပညာရဲ့တန်ဘိုးကို နားမလည်တာကတကြောင်း မရှိအားပြုနေရတာကတကြောင်းထင်ပါရဲ့ ကိုယ့်သားသမီးတွေကို အတန်းပညာကို ဆုံးခန်းတိုင်အောင် ထားမပေးကြပါဘူး အလုပ်အကိုင်မလုပ်နိုင်သေးတဲ့ အရွယ်မှာသာ ဘုန်းကြီးကျောင်းကို ကကာ ကိကီ ကုကူ ကံကော ဆိုတာလောက်ပဲသင်ကြားကြရတယ် ယောက်ျားလေးများမှာတော့ တော်သေးတယ် ဘုန်းကြီးကျောင်းကို ကိုရင်ဘ၀နဲ့ သင်ပုန်းကြီးကြေအောင် သင်ကြရတယ် ကျနော်တို့ကျေးလတ်တွေမှာ ရှင်ပြု နားသ လုပ်တာတွေကို မြို့ပြတွေလို ဆိုင်းတွေ ၀ိုင်းတွေ မဏ္ဍပ်ကြီးကြီးတွေနဲ့ချိမ့်ချိမ့်ညံအောင် လှူတဲ့အလှူက (ခုနောက်ပိုင်း)အင်မတန်ရှားတယ် နည်းတယ် အတန်တင့်ငွေကြေးကြွယ်ဝသူတွေလောက်သာ ဆိုင်းနဲ့ ဘိသိတ်အလှူကြီးပေးနိုင်ကြတာ အများအားဖြင့်ကတော့သားရှင်ဖြစ် ကန်တော့ပွဲတစ်ပွဲ သင်္ကန်းတစ်စုံ လောက်နဲ့ရှင်ပြုခြင်းကိစ္စပြီးကြရတာ ကိုယ့်သား ကလေးသာသနဘောင်မှာ ဦးပြေးတပြောင်ပြောင် သင်္ကန်းအရောင်လေး တလက်လတ်နဲ့တွေ့ရပြန်တော့လည်း မိဘတွေခမျမှာ စီးပွါးရေးအဆင်မပြေတာ ငွေကြေးအခက်အခဲရှိတာတွေကို ထည့်မတွက်နိုင်ခဲ့ကြတော့ပါဘူး သာသနဘောင်မှာ ကိုရင် ပျော်သလောက် နေပါဆိုပြီး ၀မ်းသာကြည်နူးစိတ်နဲ့ခွင့်ပြုကြရရှာပါတယ် ဒါပေမဲ့လည်း သာသန၀န်ထန်းရှင်ရဟန်း(ကိုရင်) လေးတွေခမျမှာ ဘ၀ပေးမရှိမှုကို သိလို့ပဲလား ကျေးလတ်နေရှင်သာမဏေလေးတို့ရဲ့ ချို့တည့်မှုကြောင့်ပဲလား ဆိုတာတော့မသိပါဘူး သာသနာတော်မှာ တစ်ဝါတော်မျှ မပျော်နိုင်ကြရှာပါဘူး ဒီတော့လည်း ရှင်လိင်ပြန်ကြရရှာပြီပေါ့ ရှင်လူထွက်လာကြတော့ လူကောင်းကြီးတွေကလည်းထွားကြိုင်း လာလိုက်ကြတာ ခုလိုကိုယ့်သားကလေးလူကောင်ထွားထွားကြိုင်းကြိုင်းကြီး ကိုရင်ဘ၀ကနေ လူထွက်လာပြန်တော့လည်း လုပ်အားတခုတိုးပြီဆိုတဲ့ အသိလောက်နဲ့ မိဘတွေခမျာ ပျော်ကြရရှာပြန်ပါတယ် ဒီလိုနဲ့ အညာကျေးလတ် ကလေးတယောက် လောကုတ္တရာနယ်ကိုငြင်းပယ်ပြီး လောကီဇယတ်အရှုတ်ထဲကို ကျရာကဏ္ဍကနေ က ပြရမကွဆိုတဲ့ ကံဇာတ်ဆရာရဲ့အလိုကျ အသုံးတော်ခံကြရသည်ပေါ့
(ဘာကြောင့်မောင် မျိုးသေရသလဲ)
ကျနော့ညီလေး(မောင်မျိုး)ရောဂါက ၀မ်းပျက် ၀မ်းရှောရောဂါပါ သူ့ရောဂါကိုကုပေးတာက ကျနော်တို့ အနောက်ဘက်ရွာက ဆရာပါ အဲဒီအချိန်က အဲဒီဆရာဆိုတဲ့ ပုဂ္ဂိုလ်ဟာကျေးလတ်ကျမ္မာရေးမှူးလားဆိုတာ ကိုတော့မသိပါ ဆရာဝန်(ဒေါက်တာ)မဟုတ်တာကတော့သေချာသည် ရှေ့ကပြောခဲ့သည့်အတိုင်းကျနော်တို့ ကျေးရွာနေ ဆင်းရဲသားပြည်သူတွေရဲ့ဘ၀ဟာ လူဖြစ်ရှုံးသည်ဟုပင်ဆိုရမလိုပင် ဘာကြောင့်ဆိုသော် ငယ်ရွယ်သည့်ကလေးသူငယ်လေးတွေကိုပင် သူ့အရွယ်အလျှောက်နိုင်ရာတာဝန်ကိုထမ်းဆောင်ကြရပါသည် ယခုကျနော့ညီလေး မောင်မျိုး (၁၂၊ ၁၃)နှစ် အရွယ်ဟာလည်း သူလုပ်နိုင်သည့် ထင်းခွေ ရေခက် ၀တ်စာခူး နွားစာရိတ် နွားစာစင်း နွားကျောင်း စသည်စသည့်အလုပ်တွေကိုလုပ်ရ ရှာပါသည် ယခုလည်းကျနော့ညီလေး ခမျာ နွားကျောင်းရင်းတောထဲမှာ ၀မ်းတွေရှောရှာသည် ကျနော့ညီလေး ၀မ်းရှောသည်ကို သူ့သူငယ်ချင်း အဖော်ကလေး တယောက်ကလာပြောတော့ ကျနော့ အဖေက အမောတကောနဲ့တောထဲလိုက် သွားခေါ်လာခဲ့သည် အိမ်ရောက် ရောက်ချင်း ဆေးမြီးတိုလေးများဖြင့် အဖွားတို့အမေတို့ကပြုစုနေသည် အဖေကတော့ ဆေးဆရာကိုသွားပင့်လေသည် ဆရာရောက်ရောက်ချင်း ဆရာလည်းဝမ်းရောဂါနှင့် ပတ်သက်သည့်ဆေးများကိုတိုက်ကျွေးသည်ထင်သည် နောက် ဆလိုင်းချိန်သည် နောက်တရက်ကုန်တော့ ကျနော့ညီလေးဝမ်းရောဂါရပ်သွားသည် သို့သော် ကျနော့ညီလေးမှာ ဗိုက်ကြီးဖောင်းကားလာပြီ အသက်ရုတွေလည်းကျပ်လာသည် ဝေဒနာပိုဆိုးလာသည် အသက်ရှုမှုပိုကျပ်လာပြီး စကားတောင်မပြောနိုင်သောအခြေအနေသို့ရောက်နေရှာသည် အချိန်မဆန့်ခံစားနေရသော ကျနော့ညီလေး၏ ရောဂါကို ဘာရောဂါလဲဆိုတာ ဘယ်သူမှ မသိကြပါ ဆရာဝန်ဆိုသူ ကိုယ်တိုင်တောင် ဘာရောဂါဟု အသံမထွက် မှတ်ချက်မပေး မချိတင်ကဲ ရောဂါဝေဒနာကိုခံစားနေရရှာသော ကျနော့ညီလေးကိုကြည့်ရှု့ပြီး ဘာလုပ်လို့ဘာကိုင်ရမှန်းမသိ စိတ်တွေယောက်ယပ်ခတ်နေသည် တချို့သော လူကြီးများမှလည်းတောထဲမှာဖြစ်တာဆိုတော့ ပယောဂ ဖြစ်နိုင်တယ် ဆိုပြီးပယောဂဆရာကိုလည်းပင့်ကြသည် ပယောဂဆရာရဲ့ကုသမှုကိုပါခံယူပါသော်လည်း ကျနော့ညီလေးရဲ့ ရောဂါမှာပိုပြီးသာဆိုလာသည် ဒီအတိုင်းသာဆိုလျှင် ကျနော့ညီလေးဟာ နေ့လား ညလားမသိ အသက်ဆုံးရှုးံရတော့မည် ဒီလိုအနေထားမျိုး မှာ တချို့က အကြံဥာဏ်ပေးလာသည် မုံရွာသို့သွားကုရန်ဖြစ်သည် ဆေးဆရာကလည်း ထိုသို့အကြံပေးသည် ဒီအချိန်မှာတော့ ကျနော့အဖမှာ ကြံရန်မသိဖြစ်နေရှာလိမ့်မည်ထင်သည် မုံရွာသို့တက်ပြီးဆေးကုသရန် ဆိုသည်မှာကျနော်တို့လို ငွေကြေးမပြည့်စုံသူများအဖို့ အင်မတန်ကုိုမှ အခက်အခဲတစ်ခုဖြစ်ပါသည် ယခုကုသနေသော ဆေးဆရာကိုတောင်မှ လက်ငင်းဆေးဖိုးပေးရန်ငွေမရှိလို့ အိမ်မှာရှိသည့် ၀က်ကလေးရောင်းပြီးမှ ငွေပေးပါမည်ဟု တောင်းပန်ထားရသည် ဒီအခြေမျိုးမှာ ပတ်ဝင်းကျင်မှ ချေးဖို့ ငှားဖို့ဆိုရာလည်းမလွယ်ရေးချမလွယ်ပါ အားလုံးမှာ သူလိုကိုယ်လို ဘ၀တူလူတွေသာဖြစ်နေသောကြောင့်ပါ ငွေမဟုတ်ဘူး လုပ်အားလိုတယ်ဆိုလို့ကတော့ တရွာလုံးအုံးအုံးကြွပ်ကြွပ်ဖြစ်လိမ့်မည် ငွေလိုမည်ဆိုတော့ အားလုံးမှာစိတ်မကောင်းမှုမျက်နှာထားလေးတွေနဲ့ဖြစ်နေကြပါသည် ကျနော်တို့မှာရှိသည့်နွားကလေးများ ရောင်ရန်ဆိုသော်လည်း ယခုလိုအချိန်မှာ ၀ယ်မည့်သူရှိလိမ့်မည်မထင် ရွှေထည်ပစ္စည်းဆိုလျှင်သာ ပေါင်လို့ ရောင်းလို့လွယ်ကူသည် နွားတို့ဝတ်တို့ဆိုတာက ရောင်းဖို့ရာအတွက် ခက်ခဲသလို ပေါင်လို့ကလည်းမရပြန် ကျနော်တို့တတွေ စဉ်းစားတွေဝေနေတုန်းအချိန်မှာဘဲ ကျနော့ညီလေး(မောင်မျိုး)ဟာ ကျနော်တို့မိသားစု ကျနော်တို့သပြေပင်ဆိုတဲ့ ရွာကလေးက သူ့ဆွေမျိုး အပေါင်း အဖော်တွေနဲ့ ဝေးရာ သမလွန်ဆိုတဲ့ဘ၀ကို ပြောင်းသွားရှာပါပြီ မိသားစု ညီကို မောင်နှစ်မတွေ (အပေါ်ကို)စိတ်ဆင်းရဲအောင်ဘယ်တုန်းကမှ မလုပ်ခဲ့တဲ့ကလေး အကြီးအကဲတွေရဲ့ ဆိုဆုံးမမှု့ကို အလေးအမြတ်ထားလာကိုက်နာခံယူ ကျင့်သုံးခဲ့တဲ့ကလေး သူ့အတွက်နှင့် ပတ်ဝန်းကျင်အပေါ်စိတ်ဆင်းရဲမှုမရှိစေလိုသော ကလေးလေးတယောက် ခုလိုငယ်ငယ်ရွယ်ရွယ်နဲ့ အသက်ဆုံးရှုံးသွားရတာ အများအမြင်တော့ ဘယ်လိုရှိမယ်ဆိုတာကိုမသိပေမဲ့ အကိုဖြစ်သူ ကျနော့မှာတော့ ယနေ့ထိ တမ်းတ လွမ်းဆွတ်နေဆဲပါ ကျနော်တို့တစ်တွေရဲ့မိသားစုတွေ ကျနော်တို့ကျေးရွာ အတွင်းက ကျေးရွာသူ ကျေးရွာသားတွေမှာ ကိုယ့်မိသားစုနဲ့ ကိုယ့်ကျေးရွာ ကိုယ့်ပတ်ဝန်းကျင်က လူအများအပေါ် စွန့်လွှတ်စိတ် ခွင့်လွှတ်စိတ် အနစ်နာခံစိတ်ရှိသူတွေဖြစ်လာစေချင်ပါ တယ် လူအများဟာ အဲဒီစိတ်ထားမျိုးတွေ မွေးနိုင်ကြမယ်ဆိုရင် အားလုံးဟာ သာယာကြည်နူးစရာတွေ ဖြစ်လာလိမ့်မယ်လို့ထင်မိပါတယ်…..။
ကျနော်ညီလေး ကွယ်လွန်ခဲ့တာယခုဆိုရင် (၁၈)လခန့်ရှိခဲ့ပါပြီ သေသောသူကြာရင်မေ့ဆိုသလို အားလုံးရဲ့ ရင်ထဲမှာလည်း မေ့ပျောက်နေကြပါပြီ ဒါပေမဲ့လည်း တခါတရံ သတိရမိကြတဲ့ အခါမှာတော့ သူ့ရဲ့ကောင်းမှု မကောင်းမှုလေးတွေကိုမြင်တက်ကြပါတယ် ကျနော်လည်း ကျနော့ညီလေးကိုသတိရမိတဲ့ အခါတိုင်း သူ့အသက်အရွယ်လေးနဲ့ ကျနော်တို့မိသားစုအပေါ် သူ့ပတ်ဝန်းကျင်က သူ့အပေါင်းအဖော်ကလေးတွေပေါ် ထားတက်တဲ့ ထားခဲ့တဲ့စေတနာ စိတ်ရင်းလေးတွေကို ပြန်လည်မြင်ယောင်ပြီး ကျန်ရှိနေကြတဲ့ ကျနော်ရဲ့ညီငယ် ညီမငယ် လေးတွေနဲ့ ကျနော်တို့ကျေးရွာမှ မျိုးဆက်သစ် ကလေးငယ်လေးတွေ သိစေချင် အတုယူစေချင်တဲ့ စေတနာနဲ့ရေးလိုက်မိပါတယ် ကျနော်တို့ ကလေးအရွယ် ကျနော့်ညီလေး ကွယ်လွန်တဲ့နှစ်က ကျနော်တို့(ရွာ)ဒေသတွေမှာ စားဝတ်နေရေး အင်မတန်ကျပ်တည်းတဲ့နှစ်ပေါ့ ကျနော်တို့မိသားစားက (၆)ယောက် ကျနော်ကတော့ အကြီးဆုံးဆိုတော့ အဖေတို့ အမေတို့လိုအပြင်ဝင်ငွေရမည့် အလုပ်တွေကို လုပ်နိုင်နေပါပြီ ကျနော့နောက်က ညီတယောက်ကတော့ မြို့က လဘက်ရည်ဆိုင်မှာနေပါတယ် အိမ်မှာအဖေရယ် အမေရယ် ကျနော်ရယ် မောင်မျိုး (ကွယ်လွန်သူ) ရယ် နောက် အငယ်ဆုံး ညီမလေး ငါးယောက်ထဲမှဗာ လုပ်နိုင် ကိုင်နိုင် တဲ့သူက သုံး ယောက်လို့ ဆိုပေမယ့် အခြေခံ မရှိတဲ့ မိသားစုတွေ အဖို့ အခုလို အလုပ်ကိုင် ရှားပါးတဲ့ အချိန်ခါမျိုးမှာ စားတ်နေရေးဟာ ဘယ်ဖူလုံပါ့မလဲ ..။ကျနော်တို့ လူကြီးတွေ ပင်ပင်ပမ်းပမ်း အလုပ်ကိုင်လုပ်ရသလို ငယ်ရွယ်သူဖြစ်တဲ့ ကျနော့် ညီငယ် မောင်မျိုး လေးခမျာမှာလည်းပင်ပမ်းကြီးစွနြဲ့ သူနိုင်ရာ အလုပ်တွေကို မိဘတွေက မခိုင်းရက်လို့ အလုပ်မခိုင်းပေမယ့်.အလိုက်သတိနဲ့ လုပ်နေရှာပါတယ် အိမ်အတွက် သောက်ရေခတ်တယ် ၀တ်စာခူးတယ် ထင်းခွေတယ် နွားစာရိပ်တယ် နွားကြောင်းတယ် တကယ်တော့ ကျနော့်ညီငယ်လေး အရွယ်နဲ့ ဒီအလုပ်တွေဟာ အင်မတန်ကိုပင်ပမ်းရှာပါတယ် ဒါတင်မကသေးဘူး ကျနော်တို့ အလုပ်သွားရင် အိမ်မှာကျန်ရစ်တဲ့ ညီမငယ်လေးကို လည်း ထိန်းရရှာသေးတယ် ထမင်းဟင်းကလည်း တခါတရံ ချက်ရရှာသေးတယ် ထမင်းဟင်းနည်း (နဲ)တဲ့ အခါမှာဆိုရင် ကျနော်တို့ တတွေကိုသာ အပြည့်အ၀ကျွေးပြီး သူကတော့ စားပြီါ်သလိုလို ဗိုက်မဆာသလိုလိုနဲ့ ဗိုက်ဝအောင်ထမင်းမစားရတဲ့ အခါမျိုးတွေလည်းရှိခဲ့ဖူးတယ် ကိုယ့်မိသားစု ညီကိုမောင်နှမတွေ အပေါ်အဲလောက်ထအောင် အနစ်နာခံစိတ်ရှိတဲ့ ကျနော့်ညီလေး လူမှုဆက်ဆန်ရေး မှာလည်းရွာထဲက လူကြီးလူရွယ် လူငယ်လူလတ်အားလုံးနဲ့ လိုက်ဖက်အောင်နေတက် ပြောတက်တဲ့ ကျနော့်ညီလေး အိမ်ကို ဧည့်သည်လာရင်လည်းကျနော်တို့ အကြီးတွေတောင်နားမလည်ခဲ့တဲံ ဖော်ရွေစွာ ဆက်ဆံရတဲ့ ဧည့်ဝတ်ကျေမှုတွေကိုလည်း သင်ကြားမှုမရှိပါပဲကျနော့်ညီလေးဟာ သိတက်ရှာတယ် ထိုင်ပါဦး ရေနွေးသောက်ပါဦး ဆေးလိပ်သောက်ပါဦး အဖေက ဘယ်သွားနေလို့ပါ အမေက ဘာလုပ်နေပါတယ် စသည်အားဖြင့်ပေါ့ ကျနော်တို့မိသားစုအပေါ်အနစ်နာခံသလို သူ့ပတ်ဝန်းကျင်သူ့ အပေါင်းဖော်တွေ အပေါ်ကိုလည်း အနစ်နာခံသူ တက်နိုင်သည့် ဘတ်မှ အကူညီပေးသူပါ ထင်းခွေ နွားစာရိပ်ရာ ဘယ်နေရာမဆို အတူသွား သူ အဖော်ပေါင်းတွေကိုအတူတူရအောင် ကူပေးတယ်လုပ်ပေးတယ်
အိမ်မှ စားစရာလေးများထန်းလျက်လေးများပေးလိုက်ရင်လည်း အတူပါသူ အပေါင်းဖော်တွေကိုဝေငှကျွေးတယ် ပေးတယ် အလှူပွဲ ဘုရားပွဲရှိသည်အခါမျိုးတွေမှာဆို အ၀တ်သစ်ဝတ်စရာမရှိကြသော သူ့အပေါင်းဖော်လေး တွေကို သူ့အ၀တ်ကလေးတွေ(အမြဲမ၀တ်ပဲသိမ်းထားရသော)ကိုကျနော်တို့အကြီးတွေမသိအောင် ၀ှတ်ယူပြီး သွားပေးရှာသည် သူ့ပတ်ဝန်းကျင်လူများအပေါ်အဲလောက်ထိအောင် ကူညီရိုင်းပင်းလိုစိတ်ရှိသောကျနော့ညီ လေး သူ့အတွက်နဲ့မိသားစုစိတ်ဆင်းရဲစရာမှာ ဒုက္ခရောက်မှာကိုဘယ်လောက်ထိအောင်စိုးရိမ်စိတ်ရှိခဲ့တယ် ဆိုတာကို သူဝမ်းရှောသောနေ့က သူ့အဖော်လေးတစ်ယောက်ကိုပြောသောစကားအရမှန်းကြည့်နိုင်သည် သူငယ်ချင်း ငါဝမ်းလျှောနေတာကို ငါ့အဖေ အမေတို့ကိုမပြောပါနဲ့ကွာ .တဲ့ ဒီစကားလေးတစ်လုံး ဟိုတုန်းကတော့ ကျနော့ရင်မှာမဆင်ချင်ခဲ့မိပါဘူး ခုနောက်ပိုင်းကျမှ ဆင်ချင်ကြည့်မိတော့ သြော် အရွယ်နဲ့မလိုက် တော်တော်ကိုလေးစားထိုက်တဲ့ ကျနော့ညီလေးပါလားရယ်လို့ အတွေးကလေးးပေါ်လာတယ် ကျနော်တာ ဒီစိတ်မျိုးရှိခဲ့မယ်ဆိုရင် ကျနော်တို့ တမိသားစုလုံးသာ ဒီစိတ်မျိုးရှိခဲ့မယ်ဆိုရင် ကျနော်တို့ တစ်ရွာလုံးကလူတွေသာ ဒီစိတ်မျိုးမွေးနိုင်ကြမယ်ဆိုရင် ကျနော်တို့မိသားစုတွေ ကျနော်တို့ရွာသူရွာသားတွေ ကျနော်တို့ပတ်ဝန်းကျင်တွေမှာ သာယာမှု ငြိမ်းချမ်းမှုတွေနဲ့ ပြည့်စုံလာလေမလားရယ်လို့ မျှော်လင့်ရင်း ကျနော့ညီလေး မောင်မျိုး ရောက်ရာဘ၀မှာ သာယာငြိမ်းချမ်းမှုတွေနဲ့ ရွှင်လန်းန်ိုင်ပါစေလို့ မေတ္တာပို့အမျှဝေရင်း နတ်လူသာဓုခေါ်စေသော်……………….(း
(သတ္တ၀ါအားလုံးကျမ္မာချမ်းသာကြပါစေ)
 ကိုဇော်လွင် (RBB)